Oostendse Verhalen

Sinds 2001 de site over Oostende, zijn taal, cultuur en bevolking

Zoeken op de site

Gebruikerswaardering: 0 / 5

Ster inactiefSter inactiefSter inactiefSter inactiefSter inactief
 

'Ostende oender woater',  werd  geschreven op de muziek van het Frans liedje 'La petite diligence'. De Oostendse tekst "Ostende oender woater" werd geschreven door  de zingende brandweerman Bertino, in het dagelijkse leven Albert 'Berten' Lingier, in de volksmond ook gekend als 'Berten Schuuffelet' (hij droeg steeds een strikje), ook soms als 'Schele Lingier'. Hij was een gekende volksfiguur die jammer genoeg veel te vroeg overleed (3 mei 1969, hij was amper 53)

Hieronder kun je luisteren naar "Ostende oender woater door Lucy Loes"
 
 

Wien peist er nog op deze dag :

Ostende oender woater!

Da was zeker e nat beslag

Die storm, da was e floater !

 

In vele huuzen en café’s

Was ’t er leute noch rust;

’t woater kwaam boven de canapé

en oender me bedde geklutst…

 

’t woater kwam binnen gelopen

wu wierden nat an uuze poten

en de kelders met da spul

ze liepen boem, hèlegaans vul

Zelfs de vlooien en de vienken

Mosten spriengen of verdrienken

En de ratten, 't was komiek :

Ze vierden kermesse in de sliek.

 

't schoanste van de grap

't woater was nat

je kost in de stroate roeien

en an de vissemart, da was e twa appart

liepen wuuvers lik oede koeien

me under rokken tegen under kieten

ze oan gin nagel voe op te bieten

gif uus heden uus daglijks brood

Moar osjebleif gin woatersnood

 

'k zien ook geteistert, dat is etwa

'k moesten vroeger op e strooizak slapen

Moa Nu liggen'k op een deca

noa me meubels die drieven te gapen

oal me wèèegluuzen die zien weg

deur die woatersnood

de èèn e geluk, de anderè pech de èèn zen dood is den anderen ze broad.

 

't schoanste van de grap

't woater was nat

je kost in de stroate roeien

en an de vissemart, da was e twa appart

liepen wuuvers lik oede koeien

me under rokken tegen under kieten

ze oan gin nagel mè voe op te bieten

gif uus heden uus daglijks brood

Moar osjebleif gin woatersnood

 

{fcomment lang=nl_NL}

Login Form