Bepeinziengen bie un messe.

Laatst geupdate op zaterdag 08 april 2006 17:41 Geschreven door Mauref donderdag 23 februari 2006 22:55

Beluister hier dit verhaal. 

Kvielen zundage ost va mien stoel ossuk no tjoernal op de Teevee kaike. Zu gaven doar u fielmtju van un pastur die de messe in dialikt uutsprak. Die pastur was bielange gin brusseloare mo ju laast ie da geilegans voren uut un boeksje en ju daid ie da geil goed.
Du kerke zat tjokkevul en iederain haad ook un boeksje in zien handen wo da zu zaten in te lezen.Op de kafte van da boeksje st oend ur ook utwa in brussels dialikt.
Joorde da de pastor geen brusseloare was mo je deed zien beste. Op tlaste, juuste voordatun weg gien zeiden ie nog, en da was tschonste van ol : “ ‘tis nu gedoan go junder mo no buuten want dur is nog un messe.” Iederain stoend op en gieng weg zoender nog utwa te zeggen. Twas schone voe zien.
En ton peinsde kik dan uuzze kerke ook nie vul zitten en dat misschien wel ukki meugelik zoe zien ook hier un messe te dsoen in dialikt, want ik mainen da tostends toch schonder  is dan tbrussels. Ostur gin past ur kan gevoenden worden die u meese in tostends kan geven dan kannen zu musschien uuzze goeie vriend R oland Desnerck vragen da in zien platse te doen. Kzien hem ol stoan achter da oltoar mi zien ostens woordenboek in zien handen en ol du menschen op under stoel ook. Tsoe misschien ook veel volk biebriengen en zoen de menschen van den Opiks, die vroeger op de koaiju weunden ook nog ukki no de grote kerke kommen.
Wat peinsdu giender doarvan, zoe da meugelik zien ?
                                                                                              Mauref    

 

De Bings tu Ostende.

Laatst geupdate op vrijdag 30 december 2005 23:43 Geschreven door Mauref vrijdag 30 december 2005 23:13

                                                            Oe da ta begost.

Voe du waireldorlooge was ostende uutgegroeid van un klain deur meuren omriengd dorp toe un grote stad die hoovairdig was de name  “Keuniginne van  du badsteden” te meugen dragen.

Vele toeriesten, uut olle dailen van de waireld, kwaamn nor hier en woaren in bewoender-rienge voe die schone gebouwen langs uuzze diek. Ook du bings werden druk bezocht. Mo teh nie oltied azzo gewist.

Lees meer: De Bings tu Ostende.

't Zeekommiessarjoat.

Laatst geupdate op woensdag 06 september 2006 22:10 Geschreven door Maurice Ferier zondag 04 december 2005 22:17

Osju vroeger uut du stoasje kam wast tairste dajje zag die schoone torretjes van da ainig schoon gebouwtje stoande op toekje van de Zuudstroate en de Vindictioevekoaije , twoaren gelik van die mienaretjes.
Twas doar dat du diensten van tzaiwezen, tzaikommiesarjoat en de zaivoartschoole woaren oendergebrocht.

Lees meer: 't Zeekommiessarjoat.

Zotten april

Laatst geupdate op maandag 28 november 2005 15:26 Geschreven door Mauref zondag 27 november 2005 22:25

Ain woffan dank ik nog nooit geschreven hen is een echte vint, nie biester groot, idder slank,oltied lachende ogen en zair goed bekend, voe dun twidden waireldorlooge, in uuzze stad. Zun echte name was Armaan en twas un brave ziele die oltied te vienden was in tostends uutgangsleven.. Men hem gekend os garzong in ’t Laiterietje, in ’t bosje, woar datten voer iederain ain goe woordjun had. Ju was ie oltied chiek geklid en geel beleefd, dus un goeie garzong.

Lees meer: Zotten april