Verhalen in het Oostends
Lapnamen
Laatst geupdate op donderdag 16 juni 2005 08:20 Geschreven door Maurice Ferier woensdag 15 juni 2005 23:17
Kzitten hier an mien compjoeter en mien ogen vollen toe. Nie dank vaak hen, maar mi die ogen, toe zien ik menschen voor mien ogen die ik, en giender misschien ook, nog gekend en van voor den orlooge.
In die tied aan de menschen wel un familiename, moar ze woaren meistol bekend oender under lnaame, anders gezegd under volsche naame.Ja da zowel bie de vinters of bij de wuuven. Gond der enige vernoemen en je moe ukki zien welke schoone namen je doar viend
Bie de vinten : Tootte – Burrulut – Backeland – de Vieloos – bastardje –Zotte Rafa-il – Zotten April – Bennepoeper – duunepieper – appel en piepel – cissen mostard –smoutgat – sneeuwwitje – papelul – sterrekieker.
Nog schondere namen vienden we bij de wuuven : Bubbeline – mance muus – stance kodde – Puustebille – miete zonder broek -- broek vul billen – zwarte marija – stroendschorte – dikke dame – madame sacoche.
Je kunt hier wel zien da d’ostendenoaren verstand adden van namen te kiezen. Ken der ik nog veele, doch kwillen hiermee stoppen voor vandage. Allé tot loater,
Bepeinzienge van Maurice
Geschreven door Maurice Ferier woensdag 15 juni 2005 23:14
Op toenverwagts henk ik doar op mien compjoeter u zeit gevoenden woar datter ein artiekeltje in toostends stoend. Ik wille hier ook ukki een artiekeltje schrieven.
Keetekik nie os je giender nu en ton peinst an die oede ostendenoaren die, voor den orlooge, langs de koaije liepen. Ik peins er nog oltied an. Wit je giender nog wie ?
Wat vienden julder van Teut-teut met zien accordejon op zien buuk, ziengende van “ Den Iengelsman mit ol zien poenden” – of van Kolenmanchet ook nog den ollegatscheirder genoemd –van duuvel of madam Loeloe of ook nog van madam maddolje. Ollemoale tiepissche figuurtjes die we olle dagen tegenkwamen.
Wiender weunden op de koaije, juust over de cierk of ols je twilt in Abé-in : d’oede miene, en doar henkzik ollemoale gezien;
Loater meir daarover, okai;
Wat vienden julder van Teut-teut met zien accordejon op zien buuk, ziengende van “ Den Iengelsman mit ol zien poenden” – of van Kolenmanchet ook nog den ollegatscheirder genoemd –van duuvel of madam Loeloe of ook nog van madam maddolje. Ollemoale tiepissche figuurtjes die we olle dagen tegenkwamen.
Wiender weunden op de koaije, juust over de cierk of ols je twilt in Abé-in : d’oede miene, en doar henkzik ollemoale gezien;
Loater meir daarover, okai;
Oenkruud
Laatst geupdate op woensdag 15 juni 2005 23:12 Geschreven door Gilbert Voeten woensdag 15 juni 2005 23:10
In de tied dan'k nog up de Sterrewacht wérktede, han'k vanuut me burootje uutzicht up e groot gasperk. Ten uutkomm groejdeden doar pisseblomm, magrietjes en véroniek. Gilf, wit en blow: sjhoane kleurtapietjes up 't groene gars.Een Oed Wuuvetje
Laatst geupdate op donderdag 16 juni 2005 08:03 Geschreven door Gilbert Voeten woensdag 15 juni 2005 23:03
Die visjher van mien
‘k en em zoo gèèrn gezien
‘k en em zoo gèèrn gezien
E weumplekke woarin dad'r e sjhrieftafel stoat. Up 't sjhèève tafelbled ligt'r e bril woavan da de gloazn in de zunne blienkn. Wa verder up da tafelbled e roend pleksje.
Een oensjhuldig luchtpleksje ...
t'goa regen, t'goa woaien
Laatst geupdate op woensdag 15 juni 2005 07:53 Geschreven door Administrator maandag 09 augustus 2004 08:30
T' go regen,
t'goa woaien
Pietje goa noa de koaje
Pietje goa noa de bassing
en je voalt er in
JPAGE_CURRENT_OF_TOTAL