Oostendse verhalen

Lijk Petrus wandlend op de baren
gesteund op uw almachtig woord,
zo laat gerust ons vissers varen
en leid hen naar een veilig oord.

Referein

O Jezus, die de macht der winden
beteugelt op hun wilde vaart;
verbied toch dat z'ons vissers hind'ren
en leid hen rustig havenwaarts,
en leid hen rustig havenwaarts,

 Gij spraakt en Petrus wierp ten gronde
zijn net dat rijk gezegend werd,
zo spaar ons vissers van de zonde
en geef uw zegen aan hun werk.

Referein:

O Jezus, die de macht der winden
beteugelt op hun wilde vaart;
verbied toch dat z'ons vissers hind'ren
en leid hen rustig havenwaarts,
en leid hen rustig havenwaarts,

Heil'ge Maagd, o vlekkeloze Moeder,
O Gij, de ster der woeste zee,
gelief ons zeeliên te behoeden,
van stormen, rampen, smart en wee.

Os du fore voe de deure stoat oftewel os du faistdagen ankommen moenkik altied pézje an vrienden dank vroeger vele gezien hen op de foore, in danszoalun of in un cafésjangtang en  die nu voe altied weg zien. Sommugun zien ollange vergeten, mo anderen kommen altied mo in mien gedachten.
Special du deze die in caféés of op het tonneel opkwamen tzie os zanger, tzie os spieker. Pijnzen dikkels an Lucy Monty, an de Brainiengnoare Jerom Depoorter, an Leonard, de strop die du ostendsche revuus voe dun orlooge makte, mo voeral aan du broers Lingier.'

Een andere tegenwoordig vergeten Oostendse zanger met een prachtige stem is "Zwarte pier". In een Oostendse revue begin jaren 70 zingt hij "Oostende Oender woater". Dit lied werd Oorspronkelijk gezongen door de Oostendse brandweerman, Albert Lingier, alias Bertino op de melodie van "La petite Diligeance".

Ik vind echter niets van informatie over "zwarte pier".  Wie was dat, heeft er iemand hem gekend? Alle informatie is welkom.

wie peinst er nog op dezen dag,
ostende oender woater.
da was zeker e nat beslag
die storm da was floater
in vele uzen of cafés was ter leute of rust
't woater kwam oender me canapé
en oender me bedde geklutst

't woater kwam binnengelopen
we wierden nat an unze poten
en de kelders met da spul
ze liepen boem gillegaen vul
zefs de vloaien en de vienken
ze mosten spriengen of verdrienken
en de ratten da was komiek
ze vierden keremesse in de sliek
't schoanste van de grap
da woater was nat
en je kost in de stroaten roeien
en op de vissemart
da was e twad apart
ter liepen wuuven lik oede koeien
me under rokken tegen under kieten
ze nan gin nagel mi vor op te bieten
gif ons heden ons dagelijks brood
moa osjeblief gin woatersnood

'k zien ook geteistert
da was etwa
'k moesten op e stroozak slapen
mor nu liggen 'k ik op me gemak
moa me meubeltjes die stoan te gapen
oal me weegluzen die zien weg
deur die woatersnood
den enen e geluk
den anderen e pech
den een ze dood is den anderen ze brood

't woater kwam binnengelopen
we wierden nat an unze poten
en de kelders met da spul
ze liepen boem gillegaen vul
zefs de vloaien en de vienken
ze mosten spriengen of verdrienken
en de ratten da was komiek
ze vierden keremesse in de sliek
't schoanste van de grap
da woater was nat
en je kost in de stroaten roeien
en op de vissemart
da was e twad apart
ter liepen wuuven lik oede koeien
me under rokken tegen under kieten
ze nan gin nagel mi vor op te bieten
gif ons heden ons dagelijks brood
moa osjeblief gin woatersnood

Pete Monti (Brixham 1941 - Oostende 2001) was de broer van Lucy Monti. Hij heeft heel wat Engelstalige liedjes opgenomen, maar is in Oostende vooral gekend voor het mooie "Oostende kan ik noois vergeten". Op Wikipedia staat een artikel over Pete Monti

Hieronder vind je het liedje zoials het op "Hier spreekt men Oostends uit 1973 staat.

Oostende kan ik noois vergeten
Al enk heel de wereld gezien
ik moen van nie anders mi weten
ze moe nie anders mi bien

Ostende voa mien zie je de schoanste
voa joen is mien erte zo vul
ier voel ik me thuus
zelfs zo arm of e luus
Schoon Oostende, voa mien bovenal

'k en joaren gevoaren,
zovele gereisd
Moar woar dank ook giengen
Op joen enk gepeisd
Joen diek en je strange
Joen garnoars en vis
da kan ik nie missen
da's 't beste dat er is

Ostende, je wit dank je nooi nie kan vergeten
Alhoewel dank heel de wereld gezien
Ik moen, neen ik moen van nie anders mi weten
Mien stad, neen, ze moen nie anders mi bien

Ostende, voa mien zie je de schoanste
voa joen is men erte zo vul
ier voel ik me thuus
zelfs zo arm of e luus
Schoon Oostende, voa mien bovenal
ier voel ik me thuus
zelfs zo arm as e luus
Schoon Oostende, voa mien bovenal

Een van de bekendste liedjes van Lucy Monti, die niet door Lucy Loes overgenomen werd is "Klain verdriet, groot verdriet".

Kleen verdriet, groot verdriet
't zie moa woorden in de wiend
Kleen verdriet, groot verdriet
voor e vischerskiend
bluft er een schiptje te lang over tied
Op de fladdem, kanoal of de noord
Is'ter zo schiptje ze joengen weer kwiet
of was ter e molfiet an boord

Kleen verdriet, groot verdriet
't zie moa woorden in de wiend
klein verdriet, groot verdriet
t'is toch moeders kiend

E vischer e gin eure
het zeegat is z'n thuus
woar dat em ook ze vangsten oalt
't visje wordt diere betaald
Kleen verdriet, groot verdriet
't zie moa woorden in de wiend
Kleen verdriet, groot verdriet
't zie moa woorden in de wiend
Kleen verdriet, groot verdriet
Voa e vischerskiend

bluft er een schiptje te lang over tied
Op de fladdem, 't kanaal of de noord
Is'ter zo schiptje ze joengen weer kwiet
of was ter e molfiet an boord
Kleen verdriet, groot verdriet
't zie moa woorden in de wiend
Kleen verdriet, groot verdriet
't is toch moeders kiend.