Oostendse verhalen

'Kzien godverdikke er niet goe van, van die zomerheure. Moh wa pains ju gieznder doarvan. Woarom ol die zottigheid !

In du gazetten stoend ur da je in de nacht van zoaterdage op zundage ju horloges mostu veranderen , van twai mosten zu op drieje kommen.

Kaan ik, op zoaterdagavund noar un sjow gekeken op de duutsche telluviesje en da deurde noggol lange, kgeloven dat die sjow gedoan was om kart noar dun elven. Ton mostu kik nog un slapmusje drienken en twas oengevair  roend dun twolven  osuk noar mien bedde giengen.Kaan nog mo u bitje geslapen of kmosten uut mien beddee want twas ton twai ezn kmosten ol mien horloges verzetten.

Ken ik verschillige horloges, ain in du keuken, twai in du lievieng, ain in mien buro, twai in de twi slapkamers en ton nog twi polshorloges, de mienen en dun deze van mien wuuf.Kwaren zoe kwoad omdank mien nachtruste mosten loaten voe tzomerheure in te briengen. Kwilden dun prumjé mit dun tellefong oproepen, mo tnamniemand op.Worom moeten ziender nu die zomerheure snachts loaten verandurun, da kan tog evugoed binst du dag gebeuren, zodaju snachts niemi moe opstoan.Wit je giender dank doar twi heuren an  gewerkt hen omol die horloges juuste te zetten ? ’t Is toopen da da du laste kair was.